Mezlûm Ebdî: Tirkîya wazena pêkerdişê 2019î binpay bikera. Nêwazena alozîya sîyasî ya Sûrîyeyî çareser biba.

Fermandarê Pêroyî yê Hêzanê Sûrîyeyê Demokratîkî Mezlûm Ebdîyî derheqê gefanê Tirkîya de kombîyayîşê çapemenîye viraşt.

Mezlûm Ebdîyî dîyar kerd ke gefê Tirkîya yê serê Minbîc, Til Rifet û Kobanîyî 23ê Gulane de dest pêkerdê û hema zî dewam kenê. Ebdîyî va, “Tirkîya wazena pêkerdişê 2019î binpay bikera. Hêrîş û gefê Tirkîya vera estbîyayîşê Kurdan yenê kerdene. Tirkîya wazena Sûrîyeyî lete bikera û Bakurê ci îşxal kena. Nêwazena alozîya sîyasî ya Sûrîyeyî çareser biba.

Mezlûm Ebdîyî dewamê malûmatanê xo de va, “Goreyê muqaveleyê 2019î, hêzê ma sînorê Tirkîya ra ancîyayê cêr, hêzanê hikumetê Sûrîyeyî rê ca akerd ke sînorî de ca bibê. Reyna dewrîyeyê Rusya û Tirkîya na mintiqaye de dewam kenê. Tirkîya goreyê nê muqaveleyê tênêgêrena. Tîya ra hêrîşî yenê kerdene û sîvîlî yenê qetilkerdiş.”

‘Gefê Tirkîya şerê vera Daîşî rê bandor kenê’

Derheqê netîceyanê gefanê Tirkîya de Mezlûm Ebdîyî va, “Gefê Tirkîya xebatanê Koalîsyonî hedef genê.

Çalakîyê Daîşî zêdîyenê. Operasyonê ewlehîye ke vera Daîşî ameyêne kerdene, goreyê aşma Gulane aşma Hezîrane de kêmîyayê. Ma Gulane de ma 73 Daîşijî pêwirewtê, Hezîrane de ma 30 Daîşijî pêgirewtê.”

‘Kedê mîyannetewî qîm nêkenê’

Mezlûm Edbîyî va, “Dewamkerdişê hêrîşan mojneno ma ke, seba vindarnayîşê hêrîş û gefan kedê mîyannetewî qîm nêkenê. Cayê ke ameyê îşxalkerdiş Daîşî rê bîyê cayê ewleyî. Mac i ra xeberdar bîyê ke Daîş wazeno hêrîşa kampa Holî bikero.”