Fermandarê Giştî yê HSDê Mazlûm Ebdî di derbarê êrîşên Tirkiyê yên li Şengal, Dêrik û Mexmûrê daxuyaniyek belav kir û da zanîn, êrîşên Tirkiyê têkoşîna li dijî DAIŞê qels dike. 

Fermandarê Giştî yê Hêzên Sûriyeya Demokratîk (HSD) Mazlûm Ebdî, li ser hesabê xwe yê medyaya sanal têkildarî êrîşên Tirkiyeyê yên li Şengal, Mexmûr û Dêrikê daxuyaniyek belav kir.

Mazlûm Ebdî di daxuyaniya xwe de eşkere kir: "Ev êrîş, tên wateya ragihandina şer. Sivîlan ber bi xetereyê ve dişînin û têkoşîna me ya li dijî DAIŞê qels dike. Gefên terorê zêde dibin, lewma berpirsiyariya mezin a pêşîlêgirtina van êrîşên dewleta Tirk, dikeve ser milê şirîkên me yê koalîsyonê."