Navenda Nûçeyan - Mezlûm Kobanî şeva borî li ser twîttera xwe, derbarê pêkanîna hikûmeta nû ya Iraqê peyamek belav kir û got, “Em pîrozbahîyê li birêz Mistefa Kazimî dikin ji ber wergertina bawerîyê bi kabîneya nû ya hikûmeta Iraqê.”

Mezlûm Kobanî her wiha got, “Em hêvîdar in di zûtirîn dem de tevahîya kabîneyê pêk bê, bo ku bibe hikûmeteke çareser û mil bi milê hemû pêkhateyan û gelê Iraqê ber bi aramîyê ve bibe.”

Wî fermandeyê kurd amaje bi şerê DAIŞê li Sûrîye û Iraqê jî kir û got, “Em çaverêyî zêdekirina asta hemahengîyê dikin bo zaminkirina şikesta mezin a bi ser terorîstan û vegerandina aramîyê bo welatên me.”