Navenda Nûçeyan - Endamê Desteya Serokatîya Encûmena Niştimanîya Kurd li Sûrîyê (ENKS) Mihemed Îsmaîl, beşdarî bultena nûçeyan a Rûdawê bû û behsa rêkevtina alîyên Kurdî kir.

Mihemed Îsmaîl li ser xalên rêkevtinê û gavên pêşerojê, amaje bi wê kir ku wan li jêr çavdêrîya Amerîkayê  danûstandinên ENKS-PYNK dest pê kiribûn û got, “tevî hinek xalên bawerîyê mane jî lê me nexwest bibin asteng bo ku em bikarin vê pêvajoya xwe derbas bikin û me rêkevtineke sîyasî derbas kir”

Mihemed Îsmaîl tekez kir ku ew li ser bingeha peymana Duhokê hevtêgihiştinek pêk anîne û  got, “bo ku karekî hevbeş çê bibe di hemû waran de, girîngîya yekrêzîyê heye, pêwîstîya miletê me pê heye. Ev derfetek e ku ber bi rêkeftineke cidî biçin.”

Derbarê pirsên sîyasî ku alîyên Kurdî li ser li hev kirine, Mihemed Îsmaîl dibêje, “em Kurd çi dixwazin li Sûrîyê, em rejîmê, opozisyonê, pêşeroja Sûrîyê, têkilîyên sîyasî li gel alîyê navdewletî em çawa dibînin, li ser van xalan me nêrîneke hevbeş li hev kir. Ev gelek girîng e.”

Endamê Desteya Serokatîya ENKSê dibêje, rêkevtina alîyên Kurdî dê hêzeke xurt be di hemû waran de derbarê dîtina wan li ser Sûrîyê dibêje, “Em tev de dixwazin Sûrîyeke demokratîk, firehizbî, parlamenî ne ji bo Kurdan bi tenê, bo hemû pêkhateyên Sûrîyê. Nabe yek alî tahakkumê li hemû alîyan bike.”

Derbarê meseleyên îdarî, leşkerî, aborî jî Mihemed Îsmaîl dîyar kir ku wan hîn li ser vê mijarê gotûbêj nedaen destpêkirin û ew çaverê ne ku derbasî wê qonaxê bibin. ENKSê ji berê ve gotîye destê me dirêjkirî ye ji bo yekrêzîya Kurdî ku bikare karekî hevbeş bike. Miletê me pêwîstî bi yerêzîyê heye. Ev rêkevtin dê hêzeke xurt be di hemû waran de.”

Herwiha Mihemed Îsmaîl dibêje, alîyê Amerîkayê di vê hewldana nêzîkkirin û lihevanîna alîyên Kurdî de cidî ye.

Partîyên Yekitîya Nîştimanî ya Kurdî  (PYNK) û Encûmena Nîştimanî ya Kurdî li Sûrîyê (ENKS) têkildarî danûstandinên Kurdî-Kurdî yên ji bo yekitîya neteweyî li Rojavayê Kurdistanê doh daxuyanîyeke hevpar dan. Herdu alîyan ragihandin, ku "qonaxa yekemîn a danûstandinan bi dawî bûye û dê di rojên pêş de peymanek were îmzekirin."

Rûdaw

Bingeha lihevkirina alîyên Rojava: Rêkeftina Duhokê

Mihemedê Mûsê: Divê em tevgera sîyasî bi hevdu re yekdeng bin.

Amerîkayê pêşwazî li rêkeftina alîyên Rojavayê Kurdistanê kir

PAK: Lihevkirina ENKS û PYNKyê Pîroz Be

ENKS û PYNK: Dê Di Rojên Pêş De Peymanek Were Îmzekirin