Merkezê Xeberan - Hunermend Mîkaîl Aslanî medyaya sosyale ser ra veng da û waşt wa şar vera Korona tedbîranê xo bîgêro, kokimanê xo bipawo û keyeyanê xo ra mevejîyo teber.

Hunermendo dêrsimij Mîkaîl Aslano ke bi kirdkî (zazakî) hunerê xo keno medyaya sosyale ser ra bi zazakî veng da ke wa şar keyeyanê xo ra mevejîyo û xo vera virûsê Korona bipawo.

Aslanî vat:'' Beno ke doman û ciwanî nêweşîye ravêrnê la kokimî nêxelisyenê. Xora tay kokimê ma mendî  ganî ma înan bipawê. Ma cayanê sixletîyan meşorê û tedbîranê xo bîgerê. Ganî ma vateyê doktor û zanayanê xo bikerê û semedê vergirewtişê nêweşîye xîret bikerê. Ma wayîrê yewbînan bivejîyê. Nê rojê tengî verênê ra şinê.''