Milîsê şîe yê nêzdîyê Îranî şewa bîne pê çekan vejyay kuçeyanê Baxda û 2 roj mohlet day hukmatê Baxdayî ke wa hepsîyanê înan verado.

Wexto ke balyozxaneyê Amerîka yê Bexdayî rastê hêrişê bi roketan ame, badê cû hukmatê Iraqî tay endamê koma Esayîb Ehlê Heq, ke komêka Heşda Şeibî û nêzdîyê Îranî yê, bi sûcdarîya mîyanê hêrişî de ca girewtê ra tepiştibî.

Coka şewa bîne komêk çekdarê a kome bi çekan mîyanê Bexdayî de kom bîy hukmatê Iraqî û serekê hukmatî Mistefa Kazimî tehdîd kerdî.

Heto bîn ra Serekê Iraqî Mistefa Kazimî zi semedo ke gruba çekdare teftiş biko herêma Kerx û Resa ziyaret kerd.