Seba ke Tirkîya de halê ekonomi xirab o, mîyanê 5 serran de nîm mîlyone ra zêde dikanî amê qefilnayîş.

Seba ke Tirkîya de halê ekonomî xirab o, mîyanê 5 serran de 570 hezar û 351 esnafan mefte da berê dikananê xo ro û dikanê xo qefilnay. 

Gorê raporê Federasyona Meslegî û Esnafanê Tirkîya, mîyanê panc serranê peyênan de, seba ke halê ekonomi xirab o esnafan zaf zirar kerdo û 570 hezar û 351 kesî îflaskerdiş ver dikanê xo qefilnayê.

 
Gorê raporî ra, emser zî 41 hezar û 214 esnafî dikanê xo qefilnayê. Mîyanê nê îflasan de se ra 39ê xo Bakurê Kurdistanî de bîyo.

Seke zanîyeno Tirkîya de halê ekonomi xirab o û şar nêeşkeno debara keyeyê xo biko. Goro ke vajîyeno Tirkîya de seba şer, bêusulî û îsraf halê ekonomi bîyo xirab û vajîyeno ke zamayê Serekkomar Recep Tayîp Erdoganî Berat Albayrak o ke Wezîrê Ekonomî û Xezna yo ekonomi ra fehm nêkeno û rîyê ey ra ekonomi rast nêbena.