Mîyanê 7 mengan de Tirkîya û Vakûrê Kurdistanî de 285 cinî ameyî kiştene.

Mîyanê 7 mengan de Tirkîya û Vakûrê Kurdistanî de 285 cinî ameyî kiştene. Goreyo ke ame vatene, tenya mîyanê aşma Temmuze de 31 cinî ameyî kiştene. Di wîlayetanê Vakurê Kurdistanî de kişîyayîşê cinîyan zêde yo.

Tirkîya  de ‘Platformê Ma Do Kişîyayîşê Cinîyan Bivindarne’  derheqê şîdeto ke cinîyan rê beno de raporêk ahdre kerd.

Goreyê raporî ra goreyê 9 serranê peyênan qetlbîyayîşê cinîyan zêde bîyo, goreyê raporî ra mîyanê serra 2010î de 180 cinî, 2011î de 121 cinî, 2012î de 210 cinî, 2013î de 237 cinî, 2014î de 294 cinî, 2015î de 303 cinî, 2016î de 328 cinî, 2017î de 409 cinî, 2018î de 440 cinî ameyî kiştiş.

Nê hûmarî nişan danê ke mîyanê 9 serran de  se ra 264 qetlîamê cinîyan de zêdebîyayîş esto. Tirkîya de mîyanê 10 serranê peyênan de 2 hezar û 337 cinî ameyî qetlkerdene. Mîyanê nê serran de  267 cinî  Îstanbul de, 141 cinî Îzmîr de û 106 cinî zî Edene û Enqer de ameyê qetlkerdene. Bi no qayde tewr zêde cinî Îstanbul de ameyê qetlkerdene.

Goreyê raporî ra,  Vakûrê Kurdistanî de zî tewr zêde  wîlayetanê Dîlok û Amedî de cinî ameyê kiştiş. Dîlok de 88 û Amed de zî 46 cinî ameyê qetlkerdene.