Vizêr Riha, Amed û Kocaelî de 3 cinîyî hetê camêrdan ra ameyî qetil kerdene.

Taxa Ulu Camî ya qezaya Serê Kanî ya Riha de cinîya bi nameyê Hatîce Togrul hetê mêrdeyê xo Mehmet Togrulo ke wezîfedarê hêzanê asayîşî yo ra pê çek amey qetilkerdene. Mehmet Togrulî bi çeke xo xo zî kişt.

Amed de zî semtê Çamlica yê qezaya Yenîşehîrî de cinîya bi nameyê Gulîstane Şaylemez hetê birayê xo ra  amey qetil kerdene.  Derheqê serebûtî de tehqîqat dîya destpêkerdene.

Qezaya Golcukî ya Kocaelî de Hacere Çetîn hetê camêrd Halîm E. ra kişîya ke Hacere waştêne tira cîya biba. Halîm E. ame destbendkerdene. Derheqê serebûtî de tehqîqat dîya destpêkerdene.