Meclîsa Beledîyeya Kayapinarî derheqê ‘Krêşê Gedeyan yê Kayapinarî’ ke demê qeyûmî de dîyabi muftitîyê Kayapinarî de qerarê xeripnayîşî girewt.

Meclîsa Beledîyeya Kayapinarî derheqê ‘Krêşê Gedeyan yê Kayapinarî’ ke demê qeyûmî de dîyabi muftitîyê Kayapinarî de qerarê xeripnayîşî girewt.

La heta nika Muftitîya Dîyarbekirî bînaya krêşî nêkerd veng. Naye ser verê bînaya krêşî de mabênê personelanê Beledîyeya Kayapinarî û personelanê muftitî û qeyûmî de minaqeşe vejîya.

Polîsê ke amê verê bînaya krêşî endamê meclîsa Kayapinarî derb kerd û dest rona bîna ser. Naye ser hemsereka Beledîyeya Kayapinarî Kezîban Yilmaz amey verê bînaya krêşî.

Hemsereka Beledîyeya Kayapinarî Kezîban Yilmaz muameleyê personelê muftitî û qeyûmî ver hêrsê xo nîşan da û va: Meclîsa ma qerar girewto. Tîya malê beledîye yo. Demê qeyûmî de dewrê şima bîyo. Ma na neheqî qebûl nêkenê. Eke hesabê şima nêno şêne mehkema.

Muftîyê Kayapinarî İsmail Fakırullahoğlu zî vano: Nika tîya ayîdê muftîtî yo. Ma tîya qyûmî ra girewto. Eke qeymeqam vajo ma tîya kenê veng. Muftîyê Kayapinarî sereka beledîya ra vano: Muftitî ra hes bikêne. Dewleta xo ra hes bikerêne. Melayan ra hes bikêne.

Sereka beledîya  Kezban Yilmaz zî va: Tîya malê beledîye yo. Wa muftîtî zî verdo ma şarê xo rê xizmet bike.

Endamê meclîsa beledîya se kerd nêkerd personelê muftîtî bîna nêkerd veng û bi zordarîya polîsan înan rê heqeret kerd.  

Ame aşkerakerdiş ke personelê ke krêşê muftîtî de xebitîyenê zî maaşê xo zî Beledîyeya Kayapinarî ra gênê.