Di konferansekê ku îro ji aliyê hinek grûpên çep di parlementoya yekîtiya Europa (YE)  de hate li darxistin , Salih Muslim, hevserokê Partiya Yekitiya Demokrat (PYD) daxwaz ji welatên Europayê kir ku li dijî destwerdana Tirkiyê di Sûriyê de rawestin û her weha guvaşan li ser Hukûmeta Herêma Kurdistanê pir bikin jibo ku dorpêça xwe li ser "Rojava" rake.

Li gor ajansa Firat News ku bi ser PKK ve ye, Salih Muslim di konferasê de weha axiftiye:

"Rojava tûşî dorpêçeka dijwar ji bal Tirkiyê û Başûrê Kurdistanê ve dibe. Li Rojava em pêşwaziyê li hijmareka mezin ji koçberan dikin, lê em alîkariyê ji tu alîiyekî wernagirin. Em dixawzin YE yekser peywendiyan bi me re bike, ne di riya Tirkiyê û Sûriyê re."

Tiştê balkêş ewe ku rêzdar Muslim behsa dorpêça Rejîm û DAIŞê li ser Kurdistanê nake.

Li gor Firat Newsê, Muslim sebaret Herêma Kurdistanê weha gotiye: "Pêwîste YE guvaşa têxe li ser başûrê Kurdistanê jibo rakirina dorpêçê."

Ji destpêka 2014 ve, PYD û hinek erebên alîgirên rejîma Esed reveberiyek "demokrat" li Kurdistana Sûriyê ragihandine, lê ev reveberiya de facto, heta niha ji aliyê tu hêzeka herêmî yan navneteweyî ve ne hatiye naskirin.
(E.B)