Serokê Giştî yê Partiya Azadiya Kurdistanê (PAK) Rêzdar Mustafa Özçelik li ser şewitandina dar û daristanên çiyayên Dêrsimê daxuyaniyek belav kir.

Birêz Özçelik karesata dîrokî ya Dêrsimê bibîr xist û got "Gelo ew Dewleta ku di şikeftên Dêrsimê de bi hezaran Kurd şewitandibû, wê kîngê fêhm bike ku meseleya miletê Kurd û Kurdistanê bi şewitandina mirovan û daristanan çareser nabe."

Daxuyaniya Mustafa Özçelik ku gihişte Rûpela Nû wisa ye:

 

"Çiyayên Dêrsimê têne şewitandin
 

Dewleta Tirkiyeyê ya ku çend roj berê çiyayên Cûdiyê dişewitand, niha jî çiyayên Dêrsimê dişewitîne. Gelo ew Dewleta ku di şikeftên Dêrsimê de bi hezaran Kurd şewitandibû, wê kîngê fêhm bike ku meseleya miletê Kurd û Kurdistanê bi şewitandina mirovan û daristanan çareser nabe. Çareserî siyasî ye."