Merkezê Xeberan - Serekê Pêroyî yê PAKî Birêz Mustafa Ozçelîkî, bi minasebetê viraştişê Kongreya 2yîne ya PSKî Serekê Pêroyî yê Partîya Sosyalîst a Kurdistanî (PSK) Birêz Mesûd Tekî rê mektubêk erşawit.

Ozçelîkî mektubê xo de Mesut Tek pîroz kerd û wina va:

“Seba Serekê Pêroyî yê PSKî  Birêz Mesûd Tek

Sereko Birêz

Demêko hesas ke welatê ma û Rojhilatê Mîyan ci ra vîyareno de bîyayîşê muhîmî benê de PSK Kongreya xo ya 2yîne viraşt û cenabê şima zî newe ra Serekê Pêroyî yê PSKî weçîna.

Cayê PSK dewaya azadîya welatê ma de muhîm o. Ez nameyê xo û nameyê pêruna îdarekar û endamanê partîya xo ser o cenabê şima û kongreya PSKî pîroz kena.

Ma na bawerîye de yê ke, qerarê ke Kongreya şima semedê averberdişê lazimtîya mabênênê partîya ma û partîya şima de û reyna semedê averberdişê hemkarî û tifaqêko hîra yo netewî û demokratîk de do rolêko muhîm kay bikero.

Bi na bawerîye, ez cenabê şima û heme îdarekar û endamanê partîya şima rê serkewtiş wazena.

Bi hurmetanê xo”

01.03.2020

Mustafa Özçelik

Serekê Pêroyî yê PAKî