Roja Sêşemê 5ê Adarê, Odeya Bijîşkan pêşwazî li Namzetê Serbixwe yê Şaredariya Batmanê yê Tifaqa Welatperwer û Demokrat M. Feyyaz Ekmen û şanda pê re kir. Di şandeyê de Serokê Şaxa Batmanê ya PAKê Azîz Ozdemîr û endam û rêvebirên PAKa Batmanê cih girt.

Serokê Odeya Bijîşkan Dr. Selahattîn Oguz û Lijneya Rêvebiriyê, bi kêfxweşî pêşwazî şandeyê kir.

Di hevdîtinê de M.Feyyaz Ekmen xwe da nasîn û behsa şarezayîya xwe kir û got:

“Em ê şarezayîya pirzimanî geş bikin. Zimanê kurdî dê bibe zimanê sereke. Ji bo bajarên xwe yên têkçûyî cardin vegerînin ser nasnameyên xwe, em dixwazin çalakîyên çandî, civakî û werzîşî geş derînin pêş. Bo vejîna zimanê kurdî, em dixwazin li her taxê kursên zimanê kurdî û krêşên kurdî vebin. Em dixwazin bo kêmendaman navendên pîşeyî vekin û bo jinan navendên pêşvebirinê vekin. Em dixwazin pirsgirêkên xelkê digel xelkê çareser bikin. Ji bo vê jî beyî ku bikevin xewn û xeyalan, beyî ku xelkê xwe bi xeyalên fantastîk biwestînin, çareseriyan, digel xelkê bikin.”

Serok û rêvebirên Odeya Bijîşkan jî ji Namzetê Serbixwe yê Şaredariyê M. Feyyaz Ekmenî re gotin, bivênevêya demokrasîyê, pirdengî û vegotina fikra xwe di her şert û mercan de ye û bîr û raman û rexneyên xwe anîn zimên û serkeftinê jê re xwestin.