Merkezê Xeberan - Idlib kişyayîşê 33 eskeranê Tirkîya ra dima, ewro roja îne 28.02.2020 de Rêxistina Hempeymanîya Antlntîka Bakurî (NATO) waştişê Tirkîya ser kom bena.

Verfekê AKP, Omer Çelîkî aşkere kerd Tirkîya NATO ra waşta wa derheqê hêrişo ke înan rê bîyo de bêro pêser û seba Îdlibî pêvînayîş biko.

Wezîrê Teberî yê Tirkiya Mevlut Çavuşoglu zî şewa bîne Sekreterê Pêroyî yê NATOyî Jens Stoltenbergî rê telefon kerd.

Çavuşogluyî derheqê hêrişo ke eskeranê înan re virazîya de malumat da Sekreterê NATOyî û ey ra waşt wa semedê Tirkîya endamê NATOyî bêrê yew ca.

Jens Stoltenbergî zî hêrişo ke eskeranê Tirkiya rê virazîya şermezar kerd.

Heto bîn ra Wezîrê Pawitişî yê Tirkîya Hulusî Akarî zî derheqê hêrişo ke eskeranê înan rê virazîya de Wezîrê Pawitişî yê Amerîka Mark Esperî rê telefon kerd.

Rûsya û rejîmê Sûrîye roja pancşemeyî Îdlîb de da eskeranê tirkan ro. Bi desan eskerê tirkî merdî. Goro ke îdîa beno 120 eskerê tirkan amê kiştene.

Tirkîya vana, tena 33 eskerê ma amê kiştene