Merkezê Xeberab – Zanîyeno ke qirkerdişê Dêrsimî yê 1938î de hezaran Kurdî bi destê dewleta Tirkîya ameybî qetl kerdene. Hetêk ra îdîayê ‘Qirkerdişê Dêrsîmî de gazê Nazîyan ame xebitnayene’ dewam kene, hetêk ra zî belgeye neweyî vejîyenî werte.

Raporo ke hetê Nazîyan ra ame hadrekerdene de vajîyeno ke "Mintiqaya operasyonî de panc hezar merdimi amê kiştene”

Tarîxnas Îsmail Kupeli yo ke Almanya de cuyeno medyaya sosyale ser ra belgeyêk pare kerd. Îsmaîl Kupelî vano, Konsolonsxaneyê Almanya yê Trabzonî o wext (1937-1938) raporêk hadre kerdo. Rapor de vajîyeno ke, mintiqaya operasyonî de panc hezar merdimi amê kiştene.

Rapor de malumatê “cinî, camêrdî û domanî dorê qame û pîltîya înan amê kiştene” esto û ca dîyeno sempatiya Anqara ya Nazîyan zî.