Serokê Herêma Kurdistanê Nêçîrvan Barzanî bi helkefta hatina cejna sersala Kurdên Êzidiyan, peyameke pîrozbahiyê belav kir û tê de got ku: “Em dê hewl bidin tevahiya Êzidiyên hatine revandin rizgar bikin”

Serokê Herêma Kurdistanê Nêçîrvan Barzanî îro Sêşemê 19ê Nîsana 2022yan  bi mabesta Cejna sersala Kurdên Êzidî  (Çarşema Sor) peyameke pîrozbahiyê belav kir û got “Cejna sersalê (Çarşema Sor) li hemû xûşk û birayên me yên Êzdî li Kurdistanê û cîhanê, pîroz dikim. Em dîsa hemû Êzdiyan piştrast dikîn heta Êzdiyek revandî mabe, em dê li pey çarenivîsê wan bîn û rizgar bikin”

Çarşema Sor ango Cejna Sersala Kurdên Êzidî yek ji cejnên herî berbiçav e ku her sal di meha Nîsanê de tê lidarxistin. Ev cejn li malan û li perestgeha Lalişê bi çendîn merasîman birêve diçe.

Serokê Herêma Kurdistanê bi temamî piştevanîya mafên Êzdîyan, avedankirina deverên wan û misogerkirina aştî û azadîya wan dike û dibêje: “Ji bo evê mebestê jî, em dê bi alîyên Iraqî û navdewletî re berdewam kar bikin.”

Di beşekî dinê peyama xwe Serokê herêma Kurdistanê de dibêje: “Mixabin îsal cejn di demekê de ye ku hêj beşekî girîngê xwîşk û birayên me li kampan dijîn.  Hêvîdar in cejnên din di rewşeka baştir de bên pîrozkirin û hemû xwîşk û birayên Êzidî vegerin ser war û malên xwe.”

Nêçîrvan Barzanî herwiha got: “Em careka din ji hemû xwîşk û birayên Êzidî û hemû pêkhatan û ol û hemû gelê Kurdistanê re tekez dikin ku Kurdistan dê herdem cihê lêborînê û qebûlkirinê û pêkve jîyana aştîyane bimîne û em dê hemû pêkve jî vê kulturê û mafên destûrîyên gelê Kurd biparêzin .”

Roja sêşembîyê 15-3-2022 Cigirê Mîrê Êzdîyan Cehwer Elî Beg mêvanê tora medyayî ya nîv rojî ya ahengê bû Şahiyan Tehsîn pêşkêş kir û got, "Hejmara dayik û xwişkên me yên di bin kontrola DAIŞ'ê de bûn 6 hezar e. "417 kes bûn; 3.552 kes hatin rizgarkirin; zêdeyî 2hezar û 500 ji wan ji aliyê ofîsa Nêçirvan Barzanî, Serokê Herêma Kurdistanê, ofîsa xwe ya ji bo rizgarkirina Kurdên Êzidî ji destê DAIŞ'ê hatin rizgarkirin."