Navenda Nûçeyan- Nêçîrvan Barzanî ragihand hewlên parlementerên şêe bo derxistina hêzên Amerîka bêyî lihevlirina ligel kurdan û sunneyan baş nîne û ne destûrî ye.

Herwiha Barzanî got:”Divê em di destpêkê da bipirsin, hêzên Amerîkayê çima li Iraqê ne? Ew li ser daxwaza Iraqê di sala 2014an bi rawêj ligel encûmena asayîş bo cenga dijî DAIŞê li vir in. Bicîhiştina wan karîgerîyê wê li şerê DAIŞê bike.”

Herwiha Nêçîrvan Barzanî behsa karûbarên hikûmeta nehem a Herêma Kurdistanê jî kir û hikûmeta nehem a Herêma Kurdistanê piştî şerê DAIŞê karîye peywendîyên baş ligel Bexdayê encam bide û dest bi encamdana çaksazîyan kirîye karê xwe bibaşî dike.

Di berdewamîyê jî da li ser peywendîyên Herêma Kurdistanê û Tirkîyê jî Nêçîrvan Barzanî da zanîn Serokwezîrê Herêma Kurdistanê Mesrûr Barzanî civîneka baş ligel Serokkomarê Tirkîyê Recep Tayyip Erdogan encam daye û li ser peywendîyên baş wê berdewam bin.

Barzanî daxwaza wê yekê dike ku PKK û Tirkîye jî bi rêya dîyalogê kêşeyan çareser bikin û penahê bo şer nebin.

Di berdewamîyê jî da Barzanî tekezî li ser wê yekê kir ew naxwazin Iraq bibe navenda şerê meydanî bo Amerîka û Îranê.

Derbarê pirsa kongreya Yekîtîya Niştimanîya Kurdistanê (YNK) jî da Barzanî daye zanîn ku YNKê kongreya xwe encam daye û bo çareserîya pirsan encûmenek pêk anîye. Lêbelê heta aniha nayê zanîn bê kak î serokê hizbe ye.

Basnews