Vizêr Serekkomarê Fransa Emmanuel MACRONî, Serekomarê Herêma Kurdistanî Neçîrvan Barzanî û heyetêk dawet kerd.

Vizêr Serekkomarê Fransa Emmanuel MACRONî, Serekomarê Herêma Kurdistanî Neçîrvan Barzanî û heyetêk dawet kerd. Vizêr ( 11.07.2019 )  dawetê Serekkomarê Firansa Emmanuel MACRONî ser o Serekê Herêma Kurdistanî Nêçîrvan Barzanî û Felah Mistefa, Kerîm Sincarî û Sefîn Dizayî dir şi paytaxtê Fransa Parîs.

Serekê Herêma Kurdistanî Brêz Nêçirvan Barzanî û heyeta ke tedir bîy şi Fransa, Temsîlkarîya Hukmatê Herêma Kurdistanî ya Fransa şewa bîne Parîs de resepsîyonêk  organize kerd. 

Endamê Komîteya Rayverî yê Partîya Azadîya Kurdistanî (PAK) yê Meclîsa Ewropa û Mesûlê Fransa Îhsan Aydin û endamê Meclîsa PAKî yê Ewropa û Endamê Komîteya Fransa Faysal Taşkiran zî resepsiyon de bîy. Heyeta PAKî seba serekîya Brêz N. Barzanî û Mesrûr Barzanî ê pîroz kerdî û înan rê serkewtiş waşt.

Resepsiyon de Serekê Herêma Kurdistanî Nêçîrvan Barzanî bi ûslûbêko dostane qiseykerdişêk kerd.

Heto bîn ra Serekê Herêma  Kurdistanî Neçîrvan Barzanî  dîyalogê nabeynê Fransa û Herêma Kurdistanî de qisey kerd û va: Dîlaogê ma rewin o. Meseleya herêma azade de zî xebatê Fransa zaf dostane bî. Seke şima vînenê, şahidê zî, nika dîyalogê naz af germ û dostane yo.

Serekê Herêma Kurdistanî Neçîrvan Barzanî behsê dîyalogê mabênê înan Bexdad de zî va: Mabênê ma bi serekîya newe ya Bexdad Adil Abdul-Mahdi baş o. Ma eşkenê mîyanê xo de tayn çîyan safî bikê.

Resepsîyon atmosferêko weş de, heta erey şewe dewam kerd û  bi sipasîya Mesûlê Herêma Kurdistanî qedîya.