Serekê Herêma Kurdistanî Nêçîrvan Barzanî ame Tirkîya.

Ame zanayîş ke, Serekê Herêma Kurdistanî Nêçîrvan Barzanî ameyo Îstanbul. Pawîyeno ke Nêçîrvan Barzanî do Îstanbul de Serekkomarê Tirkîya Recep Tayîp Erdogan dir bêro yew ca.

Serekkomarê Tirkîya Recep Tayyip Erdoganî zî vizêr yew qiseykerdişê xo de seba zîyaretê Nêçîrvan Barzanî vatbi:  Siba meymanêkê min o taybet esto. 

Seke yeno zanayîş Nêçîrvan Barzanî 10ê Hezîrane de hetê Parlementoyê Herêma Kurdistanî ra sey Serekê Herêma Kuristanî amebi weçînayîş. 

Serekê Herêma Kurdistanî Nêçîrvan Barzanî heta nika bi resmî hukmatê Baxdadî ziyaret kerdbi. Nê zîyaretê Tirkîya, zîyaretê diyîn yê resmî yê Neçîrvan Barzanî yo.