
Nêçîrvan Barzanî û Recep Tayyip Erdogan dicivin
Serokê Herêma Kurdistanê, Nêçîrvan Barzanî îro serdana Tirkiyê dike û li gel Serokomarê Tirkiyê Recep Tayyip Erdogan dicive.
Serokê Herêma Kurdistanê, Nêçîrvan Barzanî îro serdana Tirkiyê dike û li gel Serokomarê Tirkiyê Recep Tayyip Erdogan dicive.
Ajansa Anadoulu ya Tirkiyê bernameya serdana Serokê Herêma Kurdistanê belav kir û ragihand, îro demjimêr 14:00 li gel Serokomarê Tirkiyê Recep Tayyip Erdogan dicive û derbarê peywnediyên navbera herdu aliyan de gotûbêjan dikin.
Herwiha yekemîn hevdîtina Serokê Herêma Kurdistanê di demjimêr 09:30 de û bo taştê li gel Wezîrê Derve yê Tirkiyê Mevlut Çavuşoglu dibe.
Şanda li gel Serokê Herêma Kurdistanê ji Serokê Dîwana Serokatiya Herêma Kurdistanê, Fewzî Herîrî, Rêveberê Ofîsa Serokê Herêma Kurdistanê Kerîm Şingalî, Berpirsê Fermangeha Pêwendiyên Derve ya Herêma Kurdistanê, Sefîn Dizeyî û Şêwirmendê Bilind ê Serokê Herêma Kurdistanê Felah Mistefa pêk hatiye.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin