Benjamin Netanyahu li ser hesaba xwe ya Twitterê vîdyoyek belav kir û li ser xwepêşandanên li Îranê û tohmetbarkirina Îsraîlê ji aliyê hikûmet û rayedarên Îranê ve axivî.

 

Netanyahu got, ku rayedarên Komara Îslamî ya Îranê hewl didin ku toyê kîn û nefretê di navbera Îsraîliyan û Îraniyan de biçînin û tekez kir, ku ew hewla hikûmeta Îranê serkeftî nabe.

 

Netanyahu her wiha diyar kir, eger rojek ji rojan rejîma niha ya Îranê birûxe, dê gelên Îsraîlê û Îranê careke din bibin dostên gelek baş.

 

Serokwezîrê Îsraîlê her wiha hêvî kir, ku xelkê Îranê di hewlên xwe yên ji bo azadiyê de serkeftî bin.