Terorîstanê DAIŞî herêma Şengalî de 3 hezar kesî kiştî, 6 hezar kesî êsîr girewtî û seyan cinîyî kerdî koleyê sexsî.

La hema zî 3 hezar Êzîdîyan ra xebere nêna girewtiş.

Gorê xebera New York Timesî, texmîn beno ke kesê ke vînî yê îhtîmalêko pîl merde yê la beno ke seyan kesî gane yê û Tirkîya û Sûrîye de hetê terorîstan ra yene tepiştene.

Gorê hukmatê Herêma Kurdistanî, Êzîdîyê ke ameyê vînayîş, yan remayê yan zî ameyê remnayîş. La hema zî 3 hezar kesî vindîbîyayî yê.

Tay domanê Êzîdî Ezîdîtîya xo, xo vîrî ra kerdê.