Merkezê Xeberan - Dewleta Newe Zelanda de têkoşîno ke vera virusê Koronaya Newîye (Covid-19) de serkewt û nêweşxaneyan de nêweşê Korona nêmend.

17 rojîyo ke Newe Zelanda kesêk bi korona nêkewto û nêweşo en peyîn zî weş bîyo. La onca zî wezaretîya weşîye îqaz kena  û vana: Beno ke yewêk teber ra xo dir nêweşî bîyo û gere tedbîrî nêrê sist kerdene.

Mesulê Weîye yê Newe Zelanda Ashley Bloomfield vano, 28ê aşma Sibate ra nata, reya ewlîya ke nêweşêk nêameyo tespîtkerdene û no zî nîşan dano ke, ma serkewtê la ma gere xemsarî nêke.

Gorê pisporan, welatê sey Newe Zelanda ke tede 5 milyon kesî cuyenê de, sebebê serkewtişî rewşa coxrafî yê ê welatî û jêhatîya serekwezîra ê welatî Jacinda Ardern o.

Newe Zelanda roja 19ê Adare de sînorên xo qefilnabî, pêroyî de hezar û 500 kesî bi korona kewtbî û 22 kesî zî merdbî.