Navenda Nûçeyan- Nifûsa Tirkîyeyê di sala 2019an de gihîştîye 83 milyon û 154 hezar û 997 kesî.

Sazîya Îstatîstikê ya Tirkîyeyê (TUİK) "Encamên 2019an a Pergala Qeyda Nifûsê ya Li Ser Navnîşanê" eşkere kirîye.

Li gorî encamê, nifûsa Tirkîyeyê li gor par 151 hezar û 115 kes zêde bûye. Di sala 2018ê de nifûsa Tirkîyeyê 82 milyon û 3 hezar û 882 kesan pêk dihat.

 Di nifûsê da rêjeya mêran ji sedî 50,2 (41 milyon û 721 hezar û 136 kes) ya jinan jî ji sedî 49,8 (41 milyon û 433 hezar û 861 kes) e.

Leza zêdebûna nifûsê ya salane di sala 2018an da ji hezarî 14,7 bû û di sala 2019an da ev hejmar ji hezarî daketîye 13,9an.

Rêjeya kesên li navendên navçe û bajaran rûdinên di sala 2018an da ji sedî 92,3 bûye û ev hejmar di sala 2019an da derketîye ji sedî 92,8an.

Rêjeya kesên li gund û bajarokan dijîn jî ji sedî 7,2an daketîye.