Nivîskarê Kurd Zeynel Abidîn Han koça dawî kir
Nivîskar, helbestvan û weşangerê Kurd Zeynel Abidîn Han li Almanyayê ji ber celta dil koça dawî kir.
Navenda Nûçeyan - Nivîskarê Kurd Zeynel Abidîn Han roja 26ê Sibata 2020an li paytexta Almanyayê tûşî nexweşîya dil bû koça dawî kir.
Zeynel Abidîn Han piranî derbarê ziman û serxwebûna Kurdistanê de dinivîsand û herî dawî li ser hesabê xwe yê medyaya civakî wiha gotibû: “Mirov divê berî ku Serxwebûnê bibîne, nemre. Mirov divê ji bo mirineke wisa bixebite û bitêkoşe. Mirov wê demê jixwe nemir e.”
Di parvekirineke din a xwe de nivîskarê Kurd dibêje: “Em tenê bi Kurdî dikarin xwe ji tunebûnê rizgar bikin û em tenê bi hizra serxwebûnê dikarin welatê xwe ji dagîrkeran rizgar bikin.”
Zeynel Abidîn Han li gundê Gimgim a Mûşê Qilçixê ji dayîk bûye.
Li Enqerê di zanîngeha felsefe xwendîye û dûv re bi demekê ve mamostetîya felsefê kirîye. Piştre ji ber sedemên sîyasî mecbûr maye û derkeftîye Ewrupayê.
Ji ber raman û xebatên xwe gelek caran hatîye zîndanîkirin. Bi zaraveyên kurdîya Kurmancî û Zazakî (Kirmanckî) û helbest, çîrok û roman nivîsandine.
Zeynel Abidîn Han demekê li Berlîn edîtorîya Weşanên Evra kirîye û herwiha di sala 2015an de dest bi edîtorîya Kovara Xwenasê a felsefeyê kiribû.
Hunermendê Rojavayê Kurdistanê Seîd Yûsif wefat kir
Fazil Mîranî: Heta naha li Iraqê 4 kudeta çêbûne, ya Elawî dike jî ya pêncem e
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin