Nobeta edaletî ya keyeyê Şenyaşarî roja 17. de verê Edlîyeyê Riha de dewam kena. Polîsan keyeyî rê mudaxele kerd û dest na dowîzanê bi nuşteyê 'Seba ke wekîlî mîyanê nê serebûtî de yê dewa nêna akerdene' ser

Emîne Şenyaşara ke mêrde û lajê aye hetê merdimanê wekîlê AKPyî Halîl Îbrahîmî Yildizî ra kişîyayî lajê xo Ferît Şenyaşarî de pîya roja 17. de verê edlîyeyê Riha de nobeta edaletî rê dewam kena.

Keyeyê Şenyaşarî pa fotografanê qirkerdişî verê edlîyeyî û dowîzanê bi nuşteyê 'Nêweşxaneyê Dewlete yê Pirsûsî de sûcê merdimîye ame kerdene', 'Nobeta ma ya edaletî roja 17. de dewam kena', 'Seba ke wekîlî mîyanê nê serebûtî de yê dewa nêna akerdene' û 'Ez edalet wazenê' verê edlîyeyî de ronişeno.

Forografê qirkerdişî, Raporê Serebûtî yê Mudirîya Pêroyî yê Xizmetanê Weşîye û fotografê qurbananê qirkerdişî zî ameyî aliqnayene.

Wexto ke polîsan waşt fotografanê keyeyê Şenyaşarî bigêrê dayîke Emîne vat: ''Şorê fotografanê kiştoxan bigêrê.''

Polîsan keyeyê Şenyaşarî rê mudaxale kerd û dest na dowîz û şovalyeyan ser. Ferît Şenyaşar vera polîsan vejîya û vat: ''Ma 17 rojî yê tîya de yê. Şima vat se ma sey şima kerd. Şima ma zereyê edlîyeyî ra vetî. Naye ra pey şima ma bikişê zî ma do apey gamêke nêerzê.''

Polîsan nêverda ke rojnamegeran dîmenê hêrişî bigêrê û înan rê testê GBTyî kerd.

 Keyeyê Şenyaşarî binê ablûqa de nobeta edaletî rê dewam keno.