Îdarekara Fonê Nufusî yê Neteweyanê Yewbîyayeyan Dr. Natalia Kanem dîyar kerd ke mengêka bîne beno ke nufusê dinya do bibo 8 mîlyar û veng da ke cinî, doman û mexdûran rê hetkarîye bêra kerdene.

Îdarekara Fonê Nufusî yê Neteweyanê Yewbîyayeyan (UNFPA) Dr. Natalia Kanem dîyar kerd ke mengêka bîne beno ke nufusê dinya do bibo 8 mîlyar. UNFPA venga hukmatan da ke wa seba têdûştî û standardanê cuye tedbîranê lezabezan bigêrê.

Dr. Natalia Kanem pare kerd ke zêdîyayîşê nufusî de tewr zaf ganî cinî, doman û mexdûrî bêrê pawitene û hetkarîya înan wa bêra kerdene.

Zêdîyayîşê nufusî 1960 de nême ra kêmîyabi. Goreyê pisporan zêdîyayîşê nufusî reyde krîzê îklîmî û meseleyê koçberîye zî zêdîyenê û no zî tewr zaf tesîrê cinî, doman û kesanê dezavantajan bikero.