Nûnerê taybet yê NY yê Sûriyê Geir Pedersen ragihand ku li Sûriyê xelk di navbera krîza ku kûr bûye de asê maye û tevgerên neyînî zêdetir bûne. Pedersen, di civîna ku mijara wê li ser rewşa Sûriyê ya siyasî û mirovî bû de axifî û got ku di wexta dirêj de xelk bi perçebûnê û tehdîda bêhêviyê re rû bi rû ye. Pedersen, endamên konseya NY li ser rewşa dawiyê ya Sûriyê agahdar kir û got:

“Xelkê Sûriyê li ser derneketina rêyekî siyasî ya zelal ya biryara 2254an ya bicîhanînê, ji ber di wextekî dirêj de tehdîda perçebûnê û bêhêviyê, her diçe krîza kûr dibe û xelk di nav krîzê de givişiye. Ji ber nebûna pêvajoya berfireh ya siyasî, meylên neyînî her diçe zêdetir dibin. Ev rewş ji bo Sûriyeyiyan û civaka navdewletî talûkên xeter çêdikin.

Eger van dînamîkan dewam bikin, bêguman wê sîvîl zêdetir eziyetê bibînin. Pêvajoya çareserkirinê dirêj bûye, ji ber wê bê îstîqrariya herêmê û xwurtbûna grûbên redîkal bi endîşene.”