Li gorî rojnameya New York Times, Rêxistina Qedexekirina Çekên Kîmyewî (OPCW) guman dike ku li Sûriyê zêdetirî 100 kargehên çekên kîmyewî yên ji serdema rejîma Esed mane, hene.

Piştî hilweşîna rejîma Esed, Serokê Dewletê Ehmed eş-Şara û kabîneya wî ya 23 kesî dest bi xebatan kir. Dema karê paqijkirina bermahiyên rejîma Esed berdewam dike, îdiayeke tirsnak di medyaya Amerîkayê de derket.

Li gorî nûçeya NYT, tê texmînkirin ku ev kargeh ji bo pêşxistin û lêkolîna çekên kîmyewî ji aliyê rejîma Esed ve hatine bikaranîn. Hin kargeh dibe ku di şkeftan an jî li cihên zor ên tespîtkirinê hatine veşartin.

Rojnameyê tekez kir ku stokên çekên kîmyewî dikarin gaza sarîn û madeyên wek klor û gaza xerdel vegirin, ku bi Peymana Çekên Kîmyewî (CWC) hatine qedexekirin.

Hikûmeta Esed di sala 2013an de piştî êrîşeke ku bû sedema mirina bi sedan kesan li nêzî Şamê, qebûl kiribû ku stokên xwe yên çekên kîmyewî radest bike. Lê belê, gelek alîyan digot ku rêveberiya Esed hin çek veşartine û piştre dîsa bikar anîne.