Navenda Nûçeyan- Şêwirmendê asayişa niştimanî ya Amerîka, Robert Obrien ji televîzyoneka Amerîkî re li ser êrişên Tirkîyê li dijî Rojavayê Kurdistanê gotîye, ew nîgeran in ku Tirkîyê li bakûrê Sûrîyê sûcên şer û qirrkirina etnîkî kiribe. Helbet Amerîka dê li hember van tiştan bêdeng nemîne.

Robert Obrien daye xuyakirin ku Amerîka dê Tirkîyê ceza bike û gotîye, ew ji tiştên ku li bakûrê Sûrîyê diqewimin nîgeran in. Ew rewşê ji nêzîkî ve dişopînin.

Wî berpirsê Amerîkî daye zanîn ku wan ji rayedarên Tirkîyê re gotine, ew qebûl nakin li bakûrê Sûrîyê sûcên şer, jenosîd û qirrkirina etnîkî bên kirin.

Beriya niha jî cîgirê nûnerê Amerîka di şerê DAIŞê de, William Roebuck gotibû, Tirkîye li bakûrê Sûrîyê sûcên şer û qirrkirina etnîkî dike.

Çavkanî: Basnews