Odaya Tabîban a Îstanbulî Keyeyê Şenyaşarî rê 'Dîyarîya Demokrasî, Haştîye û Heqanê Merdiman' do bida.

Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî, lajê xo Ferît Şenyaşarî reyde 441 rojî yo nobeta edaletî kena.

Keyeyê Şenyaşarî ewro do şoro Îstanbul û tewrê merasîmê 'Dîyarîyanê Demokrasî, Haştîye û Heqanê Merdiman ê Dr. Sevîne Ozguner'  yê Odaya Tabîban bibo. Merasîm de Dîyarîya Demokrasî, Haştîye û Heqanê Merdiman' do bêra dayene Keyeyê Şenyaşarî.

Keyeyî ewro hesabanê xo yê medyaya dîjîtale de no mesaj vila kerd: ''Ma ewro seba ke tewrê merasîmê  Odaya Tabîban bibê. Heta ke edalet bêro ma her ca de vajê ke Keyeyê Şenyaşarî rê edalet, her kesî rê edalet.''