Li girtîgeha bajarê Ormiyê, girtiyekî siyasî yê kurd agir berda canê xwe.

Malpera mafên mirov ya Hengaw ragihandiye, duhî girtiyê kurd Adil Mukerem, ku par payîzê ji aliyê Tirkiyê ve teslîmî Îranê hatibû kirin, li girtîgeha Ormiyê de û ji kerba wê yekê ku heta niha dosyeya wî yekalî nebûye, agir berda xwe.

Li gorî agahiyan, nobedarên girtîgehê zû agir vemirandin lê piyekî wî girtiyê kurd şewitî.

Wî girtiyê kurd çend roj berê jî devê xwe dirûtibû.

Adil Mukerem, 30 salî û xelkê bajarê Ormiyê ye. Par dema dixwast bi rêka Tirkiyê re derbasî Ewropa bibe, hatibû girtin û teslîmî Îranê hatibû kirin.

Ew welatiyê kurd bi tohmeta endamtiya partiyeka Rojhilatî hatiye girtin.