Merkezê Xeberan

Ewro rayîrê mabênê Meletî û Sêwazî ser de otobûsa raywanan qelibîya û 26 kesî birîndar bîyî.

Ame zanayîş ke, otobûsa raywanan mintiqaya Mehleya Dîlek ya mabênê rayîrê Meletî û Sêwaz ser o qelibyaya û netîceyê qeza de 25 raywanî û şoför Mûrad Altûntaş birîndar bîyê.

Qeza ra dima xeylê ambûlansî û ekîbê xelisnayîşî neqlê cayê qeza bîyî. Kesê birîndarî bi ambûlansan neqlê nêwşxaneyan bîyî. Vajîyeno ke mîyanê birîndaran de rewşa weşîya tayinan giran a.