Qezaya Amedî Baglar de otobusa raywanan û buldozere qelibîyay yewbînan û qezaya trafîkî  qewimîya. Netîceyê qeza de 5 kesî birîndar bîyî.

Qeza Meydanê Emekî yê qezaya Baglarî ya Amedî de saetanê serê sibayî de qewimîya. Otobusa raywanan ya bi plakaya 21 H 0074 a ke şoforê ci Murat Guneş bi û wesayîtêkê karî ke şoforê ci Ahmet Şihî bi qelibîyayî yewbînan.

Netîceyê qeza de 5 raywanê ke otobuse de bî birîndar bîyî. Kesê birîndarî badê mudaxaleyanê destpêkî yê cayê hedîse bi ambulansan sewqê nêweşxaneyanê bajarî bîyî. Ame zanayîş ke, kesê birîndarî beşa lezgîne ya nêweşxaneyî de yenê tedawîkerdiş.