Merkezê Xeberan - Eylem Oyûnlûya 27 serrî ke dadîya aye dîber, waya aey Tûba û birayê aye HaRÛN Oyûnlû hepisxane de yê bi îdiaya “rêxistine rê ardim kerda " pa kênaya xo ya 10 rojine û kênaya xo ya 2 serrî erşawîya hepisxaneyê Dîyarbekirî.

Avûkatê keyeyê Oyûnlûyan vano ke, Serdozgerîya Komare ya Licê semedê dosyayêka keyeyî, semedê îfadeyî veynaya  Eylem Oyûnlû. Naye ser Eylema ke Amed manena şîy  dozger.  Dozger zî bi waştişê hepisxaneyî Eyleme erşawit Dadgeha Cezaya Sulh a Licê, dadgehe zî bi îdîaya “rêxistine rê ardim kerda " Eylem Oyûnlû erşawit hepisxaneyê Cinîyan yê Amedî.

SE BIBI?

Fermandariya Cendermeyan a Amedî 14’ê Nîsane de Dewa Xirabe û mezraya Spênî yê Licê, dewa Çemê Elîka û dewa Şelê  de operasyonêka eskerî dabî dest pêkerdiş. Operasyone de Ferhat Onkol û Dîlber Oyûnlûya 48 serrî, kênaya aye Tûbaya 30 serrî û lajê aye Harûn Oyûnlûyo 18 serrî ameybî tepiştiş.  Nê çar kesî bi îdîaya “endamtîya rêxistine” û “rêxistine rê ardim kerdê" erzîyabî hepisxane.