"Platformê Ziwanê Kurdkî(PZK) 29ê Aşma Teşrîna Verêne, serra 2018î de ameyo ronayene.

Armancê esasî yê ronîyayîşê Platformê Ziwanê Kurdkî no bi ke, ziwanê Kurdkî bibo ziwanê perwerdeyî û bibo ziwanê fermî.

Bakurê Kurdistanî û Tirkîya de xeylî kesê Kurdî asimîle bîyê, ziwan, tarîx, nasname û kulturê xo ra dûrî kewtê. Têkilîyanê sosyalî û siyasî de ziwanê Kurdkî zaf nêno şuxulnayîş.

Heto bîn ra armancanê esasî yê ronîyayîşê PZKyî zî no bi ke, qiseykerdiş û hişmendiya ziwanê Kurdkî mîyanê şarê kurdî de xurtêr, hîrayêr û berzêr bibo.

Ma sey PAK aktoranê esasî yê ronayoxanê PZKyî ra yew ê. Ma aktivîst û hetkar û destegdar û xebatkarê PZKyî yê.

Bi minasebetê 3 serrîya ronîyayîşê PZKyî ra ma reyna venga miletê kurd û şarê Kurdistanî û dostanê şarê ma dan ke, wa desteg bidê kampanyaya PZKyî ya ke wazîyeno wa ziwanê kurdkî bibo ziwanê fermî û bibo ziwanê perwerdeyî.

Heto bîn ra ma venga miletê kurd danê ke, ziwanê xo bimusê, cuya rojane de, mîyanê keyeyê xo de, bazar de, tîcaret de, sîyaset de, xebatanê roşnvîrî de ziwanê kurdî bikê ziwanê esasî.

Ma venga heme pêameyeyanê şarê xo, venga sîyasetmedar, roşnvîr, nuştox û hunermendanê kurd û Kurdistanî danê ke, wa bidê aktîvîst, hetkar û destegdarê Platformê Ziwanê Kurdkî.

Ma hêvî kenê PZK do bibo platformêko hîra yê sîyasetmedar, hiqûqnas, roşnvîr, nuştox, hunermend, sosyolog, ziwanzan, perwerdekar, pedagogê Kurd.

Ma 3 sserrîya PZKyî şarê Kurd rê pîroz kenê!

Ziwanê Kurdî rûmetê ma yo, estbîyayîşê ma yo, nasnameyê ma yo."

30.10.2021

Buroya Çapemenî û Têkilîye ya PAKî