Roja 23.02.2020 de Salona Konferansî ya Baroya Amedî de semedê ziwanê Kurdkî Konferansêk virazîya.

Heyeta  PAKî ke mîyan de Hetkarê Serekê Pêroyî yê PAKî Nurullah Timûr, endamê  Komîteya Rayverîye ya PAKî Mehmet Ali Yilmaz, endamê Meclîsa Partîye ya PAKî Salih Kaplan û Abdullah Polat, îdarekerê Teşkîlatê PAKî yê Amedî Mehmet Bilen û Îsmaîl Edîş estbî, beşdarê panelê Baroya Amedî bîyî.

Moderatorê Panelî Şêxo Fîlîk bi. Mehmet Amîn Aktar, Nadîre G. Aldatmaz û Selîm Temo zî qiseykerdoxê panelî bî.

Baroya Amedî panelî ra ver dawetname erşawitbî PAKî û xeylî partîyê sîyasî, dezgehê sivîlî û şexsan rê:

‘’DAWETNAME

Xeylî wexto ke Baroya Amedî kena ke dest bi xebatanê ziwanî bika û binê banê baro de bi namê ‘Komîsyona Ziwanê Kurdkî’ komîsyonêk ameyo ronayene. Komîsyon do 23ê Sibata 2020î de bi panelêk seba ziwanî ronayîşê xo aşkere biko. Na wesîle ra ma heme kes, sazî û dezgehan dawetê panelo ke ma 23ê sibata 2020î saete 10:30an virazenê, kenê.

Baroya Amedî’’

23.02.2020

Buroya Çapemenî û Têkilîye ya PAKî