Merkezê Xeberan

“Cinî hem hetê madî hem hetê manevî ra cuyayîş temsîl kenî . La çi heyf ke cinî rastê her tewir şîdet û tedayî yenî. PAK hetêk ra vera tedayîya sosyal, netewî û cinsî ya ke cinîyanê  Kurdistanijan rê bena mucadele kena, hetêk ra zî seba ke wa cinî û camêrdî mîyanê cuye de bibê seypê mucadele kena û seba cinîyan cîyayîya pozîtîfe wazena (programê PAKî ra)

Türkîya û Kurdistan de, 1ê Çeleyî ra hetanî  20ê Teşrîna Peyêne, mîyanê 11 mengan de tewr kêmî 302 cinî hetê camêrdan ra amê kiştene, 532 cinî zî rastê şîdetî ameyî.

Semedo ke sîstemê Tirkîya bi serdestîya camêrdan amo ronayîş, dîzayn bîyo, rîyê  atmosferê şerî, pinpaykerdişê heqanê netewî û şexsî ra cinî rastê nê muameleyî yenê û yenê qetl kerdene.

 Hûmara cinîyanê ke seba pawitişî, pawitiş wazenê roj bi roj bena zêde. La dewayê derheqê înan de bi netîce nêbenê. Cigêrayîşì nîşan danî ke, cinîyê ke rastê şîdetî yenî zaf tayê înan dezgeyanê resmîyan rê muracat kenî. Zanîyeno ke zaf tayn cinîyî dezgeyanê resmîyan rê seba vînayîşê şîdetî muracat kenî û hûmara cinîyê ke rastê şîdetî yenê, hûmara dezgeyanê resmîyan ra qat bi qat zêde ya.

Goreyê raporo ke ‘Platformê Ma do Cînayetanê Cinîyan vindarnê ’ (KCDP) hadre kerdo, vajîyeno ke, heta ke tespîtê cinî hetê kamî ra û çira yenê kiştene nêro kerdene; muhakemeyo adîlane nêbo, gumandarî û kiştoxî cezayanê pîlan nêgîrì şîdet do her daîm dewam biko”

Beno ke tayn cezayî yenê dayene la nê bes nîyì. Nê qanûnê ke nika falîyet de yê bese nêkenê. Gere welatê ma tecrubeyê welatanê dinya ra ìstîfade biko. Na rastîye vernîya ma de ya. Ma şîdeto ke cinîyan rê beno şermezar kenî, ma sibaroj ney roja ke ma tede de yê zî na mesela sero  vindenê û ma vanê, seba mucadeleyê vera şîdeko ke cinîyan rê beno çi destê ma ra bêro ma do bike. No seba ma wazîfeyêk o.”

PAK (Partîya Azadîya Kurdistanî)-Batman