PAK: Biryara tayînkirina qeyûmên ya li ser şaredarîyan tune hesibandina îradeya dengdêran e
PAK: "Aşkere ye ku, ev biryar di eslê xwe de, weke wan êrîşên eskerî, weke wan girtin, hefskirin û dozên ku têne vekirin, biryarên sîyasî ne".
Partiya azadiya Kurdistanê (PAK) li ser qeyyûman daxûyaniyek belav kir
Wezareta Navxwe ya Dewleta Tirkîyeyê, roja 19.08.2019an Şeredarên Amed, Wan û Mêrdînê ji kar dûr xist û li cîhê wan qeyûm tayîn kir.
Di hilbijartinên 31ê adara 2019an de gelê Amedê, Wanê û Mêrdinê, bi dengdanê, şaredarên xwe hilbijartibûn. Ev biryara tayîn kirina qeyûman ya li ser her sê şaredarîyan, birayereke anti demokratîk e û îradeya gelê van bajaran tune dihesibîne. Helbete ku qeyûm nayên qebûl kirin.
Biryara tayîn kirina qeyûman, ne biryareke hiqûqî ye. Ev biryara tayîn kirina qeyûman,nîşana tune hasibandina îradeya gelê Kurd e, nîşana binpê kirina azadî û demokra sîyê ye.
Belê, me gelek caran gotibû û em nuha jî dibêjin, Dewleta Tirkîyeyê, divê dest ji vê sîyaseta şîdetê, tûnd û tûjîyê ya ku li ser dijayetîya Kurdan ava kirîye berde.Divê em gişt di çareserîya hemû pirsgirêkan de rêya dîyalogê esas wergirin û ji bo çareserîyê, bi rê û rêbazên demokratîk û sîyasî divê gav bêne avêtin. Rêya herî rast û maqûl ev e. 19.08.2019
Buroya Çapemenî û Ragehandinê ya PAKê
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin