"Xeberê ke Başûrê Kurdistanî  ra yenê, nîşan danê ke ewro der û dorê Amêdîye de netîceyê herîşêkê PKKyî yê Hêzanê Pêşmergeyan de pêşmergeyêk şehîd kewto, çend pêşmergeyî zî birîndar bîyê û şerêk vejyayo.

Waştiş û hêvîya ma na ya ke wa no şer dewam nêko, hîra nêbo û tehlûkeyanê pîlan rê rayîr anêkero.

Gama ke Birêz Serek Mesud Barzanî vat ‘’Şerê mîyanê Kurdan de heram o, ma zî  ewro tepîya destûr nêdanê şeranê bi nê qeydeyan’’; no vatiş netîceyê tecrube, dej, zanayîş û hest, vîr bawerîyêka netewî, niştimanî ra ameyo pê.

Ma na bawerîye de yê ke beyanat û vengdayîşê Birêz Serek Mesud Barzanî yo ke roja 02.11.2020 de ameyo dayene zî, vengdayîşê esasê na hişmendî û hesasîyetê netewî û welatperwerîye ser o meyo  dayene.

Vengdayîşê Birêz Serek Mesud Barzanî vengdayîşê şerî nîyo; bileqis vengdayîşo ke şans dano astengkerdişê şerê mîyanê Kurdan o.

Aşkereyo ke şerê mîyanê Kurdan de, do Kurdanê Başûr û Bakur yewbînan ra biko serdin, do birînanê xorînan zerrîya Kurdan de akero, do zerarêko pîl bido qezencanê federe yê Başûrê Kurdistanî, do zerarêko pîl bido pêameyîşê prosesê mabênê ENKS û PYNK û do zerar bido dewaya azadîya şarê ma yê Rojhilatê Kurdistanî.

Tecrubeyê şarê ma yê tarîxî û yê nê demanê peyênan bi zelalî îspat kerdo ke, ma heqî û neheqî hetêk de rone, sebebê ci çi beno wa bibo, şerê mîyanê Kurdan de tu feyde Kurdan rê nêardo; êyê ke zerar dîyê her tim Kurd bi xo bîyê, êyê ke tira feyde dîyê zî dişmenê şarê Kurd bîyê.

Bi nê hest û vîr û bawerîyan, ma venga rayberanê PKKyî danê ke, wa hetkarîya vengdayîşê Birêz Serek Mesûd Barzanî bikê û ca de Rayberîya Dewleta Federe ya Herêma Kurdistanî reyde dîyalog ronê;  estbîyayîş, îrade, serwerî , meşrûîyet û qeraranê Parlamento, Hukmat û Serekîya Herêma Kurdistanî rê hurmet nîşan bidê.

Ma venga heme partî, rêxistin û dezgah û şexsanê her çar perçeyanê Kurdistanî danê ke ma bi yew helweste, vernîya nêweşî, şîdet û tûjî, şer û birînanê mîyanê Kurdan bigîrê. Semedo ke heme meseleyî wa bi rayîrê dîyalogî bêrê safîkerdene ganî ma pîya helwestêke bigîre."

04.11.2020

Buroya Çapemenî û Têkiliye PAKî