PAK daxuyanîya xwe de wiha got:

Mehkemeya Dîyarbekirê îro(17.06.2020) 7.5 sal cezaya hefsê  li yek ji damezrêner û Cîhgirê Serokê Giştî yê DKPyê û her weha Serokê Giştî yê KADEPê, sîyasetmedarê welatparwerê Kurd  Lutfî BAKSÎ birî.

Lutfî BAKSÎ bi sedema çend beşdarîyên  civînên DTK/KCDyê û her weha hin nivîs, parve kirin, axaftin, mesaj û peywendîyên xwe yên bi nûnerên sîyasî re,  bi îdiaya  "propogandayê rêxistina terorist a çekdar û propagandaya terorîzmê"  roja 17.06.2020an  li Dîyarbekirê bi 7,5 sal cezayê hefsê hate mehkûm kirin.

Cezaya ku li sîyasetmedarê Kurd Lutfî Baksî hatîye birîn nîşan û berdewamîya binpê kirina mafê azadîya fikrî û xwe îfade kirinê ye, binpê kirin û rê li ber girtina  mafê xebata sîyasî ya bi rêxistinî ye.

Bi hezaran kes bi taybetî jî di van çend salên dawî de jiber xebatên xwe yên sîyasî, jiber nivîs û daxuyanî û parve kirinên xwe yên li ser sosyal medyayê tûşî dozên weha bûne û  cezaya hefsê ya ji prensîbên hiqûqa nevnetewî dûrin, li gelekan ji wan hatine birîn.

Em cezaya ku li sîyasetmedarê welatperwerê Kurd Lutfî Baksî hatîye birîn şermezar dikin.

Divê demildest cezayên bi rengî bêne betal kirin û rê ji azadîya xwe îfade kirinê û ji azadîya fikrî re bê vekirin.

17.06.2020

Buroya Çapemenî û Ragehandinê ya PAKê