Di daxuyaniya ku ji aliyê Buroya Çapemenî û Ragihandinê ya PAKê ve ji Rûpela Nû re hatî şandin de wisa hat gotin:

"Em Qetlîama Meraşê Rûreş Dikin

40 Sal berê, di sala 1978an de, di navbera rojên 19 û 25a Çileya Pêşîn de, li bajarê Meraşa Bakurê Kurdistanê qetlîamek li dijî xwişk û birayên me yên Kurdên Elewî hate lidarxistin. Ev qetlîam, ji aliyê hêzên veşartî û yên aşkere yên nîjadperest û faşîst ên Dewleta Tirkiyeyê ve hatibû organîzekirin û lidarxistin. Di vê qetlîamê de 111 Kurdên Elewî hatin qetilkirin 1500 Elewî jî birîndar bûn.

Di 40emîn salvegera Qetlîama Meraşê de, em vê qetlîamê û qesasên wê rûreş dikin. Em hemû qurbaniyên vê qetlîamê bi giramî bibîr tînin."