Peyama PAKê wiha ye:

Li Şirnexê şeva 14.07.2020an efserekî ordîya Tirkîyeyê destdirêjî li keçeke 13 salî kir.

Baroya Şirnexê di vê derbarê de daxuyanîyek belav kir û got me hewl daye ku îfadeyên wê keça 13 salî û yên li gel dîmenên kamereya li wê herêmê bikevin nav dosyaya vê êrîşê.

Helbete ku ev ne cara yekem e ku keç û jinên Kurdan tûşî êrîş, tecawuz û tûnd û tûjîyên wan wazîfedarên Dewleta Tirkîyeyê dibin. Bi sedan êrîş û tecawuzên bi vî rengî her bê ceza mane. Yê ku ev êrîşa kirîye jî bêminetî û hêza xwe ji bêcezahiştina bûyerên berê yên bi vî rengî distîne.

Destdirêjîya li keçeke 13 salî, di eslê xwe de destdirêjî li hemû mirovahîyê ye. Ev destdirêjî berdewamîya destdirêjî , tecawuz, qetlîam, êrîş û wêranîyên ku bi dehan sale gelê Kurd rû bi rûbûne ye.

Em vê êrîşa nemirovane rûreş dikin û bang dikin ku demildest ev nemirovê ku ev karê kirîye bê ceza kirin.

Buroya Çapemenî û Ragehandinê ya PAKê