Serokkomarê Tirkiyê Recep Tayyip Erdogan, penaberên kurd ku li Swêd û Fînlandiyayê dijîn terorîst, Swêd û Fînlandiyayê jî bi “hêlîna terorîstan” bi nav kir. Hukûmeta Tirk di derbarê siyasetmedarên kurd ku li her du welatan dijîn bi agahdarîyên xelet û ji rastiyê dûr, radigihîne. Em gotarên bi vî rengî protesto dikin.

Tirkiye, ji bo Swêd û Fînlandîya tevî NATOyê nebe kurdan wek alaveke şantajê bikartîne û ji bo vetokirina endambûna wan dewletan a ji bo NATOyê kurdan wek sedem destnîşan dide. Ev helwesta Tirkiyeyê, civata kurdan gelek diêşîne. Helbet Swêd û Fînlandiya siyaseta xwe ya derve, li gor menfeetên xwe û rastiya xwe, xwe bi xwe tayin dikin û li gor wê biryar digrin. Em hîvî dikin û her weha dixwazin bawer bikin ev her du welat wê li gor daxwaz û hêviyên Tirkiyeyê tevnegerin.

Dewleta Tirkiyeyê hîç tu maf û azadîya neteweyî, demokratîk ya kurdan qebûl nake. Di makezagon û qanûnên wan de, hîn jî zimanê kurdî wek tune tê hesibandin û tê qedexekirin. Dewleta Tirkiyeyê siyasetek antî-kurd daye ber xwe û her vê siyasetê dajo. Dewleta Tirkiyeyê, bi hezaran siyasetmedar, nivîskar, ronakbîrên kurd ku tu têkiliya wan bi tund û terorê tuneye, bi “endametiya rêxistina terorê” an “propogandaya rêxistina terorê” sûcdar dike û cezayên giran li wan dibire.

Em bangî hemû dewletên endamên NATOyê ne dikin, Dewleta Tirkiyeyê ya ku maf û azadîya kurdan, azadîya fikrî, olî, bawerî û ya xwebirêxistinkirinê tune dihesibîne û binpê dike, siyaseteke antî-kurd daye ber xwe, li Bakur, Rojava û Başûrê Kurdistanê operayon li ser operasyonan dike, axa kurdan yê derveyî sînorên xwe yê heyî jî, îşgal dike, bêjin êdî “bes” e.

PAK-Ewropa

(Piştgirên Partîya Azadîya Kurdistanê li Ewropayê)