Seke yeno zanayîş dewleta Tirkîya kena ke partîyanê Partîya Sosyalîst a Kurdistanî (PSK), Partîya Azadîya Kurdistanî (PAK), Partîya Komunîst a Kurdistan (KKP) û Partîya Demokrata Kurdistan a Tirkîya (T-KDP) biqefilno.

Semedê nê partîyan, bi sebebê nameyê înan de kelîmeya Kurdistan vîyarena dewayê qefilnayîşî amê akerdiş.  

Meclîsa hetkaranê Partîya Azadîya Kurdistanî (PAK) Ewropa de kombîyayîşê xo Parîs de kerd û derheqê dewaya qefilnayîşî ke hetê dewlete ra partîya înan rê ameya akerdiş de beyanat da. 

Meclîsa hetkaranê Partîya Azadîya Kurdistanî (PAK) Ewropa beyanatê xo de wina va: Ma tîya ra venga heme Kurdanê Ewropa danê ke wa vera qefilnayîşê PAKî û partîyê bi namê Kurdistanî de vengê xo bikê berz û destegê xo nîşan bidê. Çîyo ke yeno qedexekerdiş namê Kurdistan o, namê welatê ma yo. Wa rin bizanê ke, Kurdistan namê ma wo û ma do wayîrê ci vejîyê. 

Heto bîn ra Serekê Partîya Sosyalîs a Kurdistanî (PSK) Mesut Tekî derheqê dewaya ke seba partîya înan ameya akerdiş va: Dewlete wazena vengê Kurdan bibirno. Kurdî wazenê heqê xo yê meşrû bixebitnê. La wina asîyeno ke dewlete tena yew rayîr nîşanê Kurdan dana, o zî serê koyan o.”

Mesûd tek îzah keno ke tena semedê kelîmeya Kurdistan înan rê dewa nêameya akerdiş û wina va: Ma ra wazenê ma pêruna programê xo bivurnê. Dewleta Tirk verî ra heta nika vera Kurdan sîyasetê xo nêvurnayo.”