Buroya Çapemenî û Têkilîye ya PAKî: 

Peymana Lozanî roja 24.07.1923î de bajarê Lozanî yê Îsvîçre de mabênê Dewleta Tirkîya, Îngîltere, Fransa, Îtalya, Japonya, Yûnanîstan, Romanya, Bûlgarîstan, Portekîz, Belçîqa û Yûgoslawya de amey îmzakerdiş.

Zaf babetê na Peymane estbî. La meseleya esasî îşgalkerdişê erdê Kurdistanî ke binê deste desthilatdarîya Osmanîyan de bi.

Bi Peymana Lozanî erdê Kurdistanî ke detsê Osmanîyan de bi, mabênê Dewleta Tirkîya, Îngîltere û Fransa de ame parekerdene. Badê cû bi rayberîya Îngîltere Dewleta Iraqî rê, badê cû bi rayberîya Fransa Dewleta Sûrîye rê mend.

Peymana Lozanî rayîr akerd ke Kurdistan newe ra bêra îşgalkerdene û nika Kurdistan hetê Tirkîya, Îran, Iraq û Sûrîye ra îşgal bîyo.

Peymana Lozanî, çîne hesibnayîş û binpay kerdişê îradeyê şarê Kurdistanî yo, meşrû nîyo, hûqûqî nîyo.

Tekoşînê azadîya Kurdistanî yê her çar perçeyanê Kurdistanî, her roj, bi qezencanê pîlan yê tarîxî, Peymana Lozanî pûç keno.

Tu şikê ma ci ra çino ke rojêk do bêra, no şar bi têkoşînê xo û bi hetkarîya dostanê xo yê mînnetewî, na peymana qilêrine bierzo çopê tarîxî mîyan û do her çar perçeyê Kurdistanî zî azadîya xo qezenc biko.

Serrgêrra Peymana Lozanî ya 97ine de ma veng danê Dewletanê sey Îngîltere, Fransa, Emerîka, Rûsya, Almanya û dewletanê dinya ê ke akrorê esasî yê, na neheqîya ke bi Peymana Lozanî şarê Kurdistanî ameya kerdene telafî bikê.

Xeylî wexto ke Rojhilatê Mîyanên de newe ra xerîtayî yenê viraştene, heme dewletê dinya her çar perçeyanê Kurdistanî de gerek desteg bidê heqê azadî, statuteyêka sîyasî û xo bi xo îdare kerdişê şarê Kurdistanî. Ma veng danê şaranê dewletanê dinya ke wa semedê azadîya Kurdistanî zor bidê dewletanê xo.

Peymana Lozanî helbet ke bi estbîyayîş, têkoşîn, yewitî û tifaqê şarê Kurdistanî ya netewî, demokratîk do bêra çîne kerdene. şarê Kurdistanî gerek bi sebir û bi sîyasetêko aqilane, warê mîyannetewî de dostanê xo zêde, dişmenanê xo kêm biko.

Buroya Çapemenî û Têkilîye ya PAKî