PAK (Partîya Azadîya Kurdistanî):

Dewleta Tirkîya, bi bahaneyê PKK, şewa 14.06.2020î de newe ra pê xeylî teyarayan erdanê Başûrê Kurdistanî rê hêriş kena.

Xeylî cayê ke sivîlî tede manenê bîyê armancê nê hêrişan.

Dewleta  Tirkîya ganî bizana ke, pê hêrîş û qedexeyan û bi dişemnetîya Kurdan do nêeşka tu meseleyêk safî bika.

Bi hêriş û şer meseleyi hîna giran û têmîyan benê.

PKK zî gere fek çalakîyanê xo yê çekdarî ra verado. Şerê çekdarî zerar dano qezenc û xebata sivîle, sîyasî û demokratîk ya Bakurê Kurdistanî.

Heto bîn ra şerê çekdarî  û hereketê PKKyî yê Başûrê Kurdistanî zerar danêqezencanê keyeyê ma yê Başûrê Kurdistanî zî.  Gere PKK hurmet nîşanê serwerîya  Parlamento û Hukmatê Herêma Kurdistanî bido.

Gere hêrîş û şer vinderê û bi diyalog, qisêkerdiş û bi rayîrê sîyasî heme partî û hetê Bakurê Kurdistanî, hetê Dewleta  Tirkîya ra sey muxatab bêrê girewtiş. Ewro Bakurê Kurdistanî de rayîrê safîkerdişê meseleyan bi metodê sîyasî û diyalog beno.

Dewleta Tirkîya gere hurmet nîşanê Parlamento û Hukmatê Herêma Kurdistanî bido û ca de nê hêrişanê xo vindarno.

Netewê Yewbîyayî, Hêzê Koalîsyonê Mîyannetewî yê Iraqî û Hukmatê Bexda û yê Herêma Kurdistanî gere vera nê hêrişan razînêbîyayîşê xo nîşan bide.

15.06.2020

Buroya Çapemenî û Têkilîye ya PAKî