Dibistananê Tirkîya û Kurdistanî de, sinifê 5,6,7 û 8 de heqê keyeyan esto ke sey dersa weçînayî, semede tutanê xo dersa kurdk î( Kurmancî, Kirdkî/Zazakî) biweçînê.

Helbet ke heqê perwerdeyîya bi ziwanê kurdkî, heqêko meşru û bingehîn yê miletê Kurd o.

Ma hetêk ra heqê perwerdeyîya bi ziwanê kurdkî wazenê, la gere ma heqê xo yê dersa weçînitî ya kurdkî zî rê wayîr vejîyê.

Keyeyê kurdan çiqas zêde tutanê xo dersanê weçînayî yê Kurdkî rê qeyd bikê, do hende zêdêr lazimtî bi mamosteyanê Kurdkî zî bibo.

Zêdebîyayîşê talebê mamosteyê Kurdkî, do unîwersîteyan de, beşanê ziwanê kurdkî de mamosteyê zî zêde bibê.

Heto bîn ra zêdebîyayîşê waştişê dersa weçînaye ya kurdkî do bazarê kitabanê kurdkì, tìcaretê bi kurdkî, bazarê telewîzyon û fîlm û xebatanê cîya bi cîyayan yê bi kurdkî zî hîra biko.

No zî do bingehê perwerdeyîya bi ziwanê kurdkî xurtêr biko.

Ma venga îdarekaranê Dewleta Tirkîya danê ke :

1-Dersa weçînayî ya bi ziwanê kurdkî dibistana zarokan re û sinifa yewine ra heta sinifa 12ine bo .

2- Semedo ke wa ziwanê Kurdî bibo ziwanê fermî û bibo ziwanê perwerdeyî ca de gaman bierzê , Qanûnê Bingehînî û heme Qanûnanê Dewleta Tirkîya de bedilnayîşan bikerê .

Ma venga her kurdêk dane ke:

1-Tutanê xo dersa weçînayî ya Kurdkî rê qeyd bikêne.

2-Hetkarî bidêne kampanyaya îmzeyan a ke semed o ke tede wazîyeno wa ziwanê Kurdî bibo ziwanê fermî û bibo ziwanê perwerdeyî.

3-Kurdê ke kurdkî nêzanê heme îmkananê xo seferber bikê ke Kurdkî bimusê.

4-Heme Kurdê ke bi kurdî zanê zî, mîyanê keyeyê xo, kolanan, sûke, dibistanan, karê xo, cuyayîşê rojane û tîcaret de wa ziwanê kurdkî qisey bikê.

5-Heme partîyê sîyasî, dezgehê sivîlî yê kurdan, heme nuştox, roşnvîr û hunermendê kurdî gere Kurdkî bikê ziwanê xo yê esasî yê sîyasetî, nuştişî, çalakîyê dezgehanê xo û roşnvîr û hunerî.

6-Heme partîyê sîyasî, dezgehê sivîlî yê kurdan, karsazê kurdan, potansîyelê Diaspora ya kurdan, semedo ke Platformanê Digital ser o kurdî bieşkê Kurdî bimusê gere heme îmkananê xo seferber bikê, projeyan virazê, dibistanan, kûrsan akerê.

7-Kurdê ke bi kurmancî zanê wa xîret bikê ke Kirdkî/Zazakî bimusê, fehm bikê; Kurdê ke Kirdkî/Zazakî zanê zî wa xîret b,kê ke kurmancî bimusê, fehm bikê.

8-Kam partîye bena wa biba, ma venga heme parlamenteranê kurd danê ke wa desteg bidê dersa weçînayî ya bi ziwanê kurdkî û hetkarî bidê kampanyaya îmzeyan ya wa ziwanê Kurdkî bibo ziwanê fermî û bibo ziwanê perwerdeyî.

9-Sere de heme beledîyeyê ke serek beledîye û îdarekarê înan kurd ê, ma venga serekê Şaredarîya Îstanbulî, Îzmirî, Mêrsînî, Edene, Anqara, Antalya, qezayanê Konya û bajaranê bînan danê ke wa dibistan, kurs û dezgehê fiîlî û digital yê ke perwerdeyîya bi ziwanê kurdkî danê û kurdî musnenê akerê.

09.01.2022

Buroya Çapemenî û Têkilîye ya PAKî