Merkezê Xeberan – PAK (Partîya Azadîya Kurdistanî): Seba ke Vîrûsê Korona eşkeno kesêk ra bipero kesêk, gere ma pêro hem xo hem zî dorûverê xo bipawe. Gere ma vera tehlûkeyê Vîrusê Korona bêxem nêbe

“Vîrusê Korona her roj zaf welatanê dinya de vila beno û heta nika Çîn, Îran, Îtalya û xeylî welatan de bîyo sebebê merdişê zaf merdiman.

Tayn merdimî Başûr û Rojhilatê Kurdistanî de zî bîyê nêweşê Korona.

Wezîrê Weşîye yê dewleta Tirkîya zî roja 10.03.2020 de beyanatêk dabi û vatbi: Tirkîya de zî kesêk de no vîrus vejîyayo. La nêvat no kes kamcî şaristanan de cuyeno. No zî yeno na mana ke vîrus eşkeno 81 bajaranê Bakurê Kurdistanî û Tirkîya de vila bibi.

Ewrûpa de zî vîrusê korona zaf welatan de vila bîyo.

Seba ke Vîrûsê Korona eşkeno kesêk ra bipero kesêk, gere ma pêro hem xo hem zî dorûverê xo bipawe. Gere ma vera tehlûkeyê Vîrusê Korona bêxem nêbe

Ma venga heme merdimê ke her welatê dinya de cuyenê danê  û înan ra wazenê wa goş bidê îqazanê kes û dezgeyê weşîye yê derheqê Vîrusê Koron de  û tedbîranê xo bigîrê.”

11.03.2020

Buroya Çapemenî û Têkilîye ya PAKî